كيفاش؟

شركتنا تقدملك فكرة الجمعية التقليدية ب طريقة ديجيتال بحيث تقدر اليوم تشارك في جمعيات و تقبض فلوس من خلال تطبيق في الهاتف متاعك

شنوة معناها جمعية؟

الجمعية هي طريقة ادخار تشاركي بين الافراد تعاونهم يلمو و يسلفو بعضهم فلوس. يعني مثلا 6 افراد قررو يعملو جمعية ب 100 دينار , كل شخص فيهم باش يدفع شهريا مبلغ 100 دينار و كل شهر واحد من المجموعة بالترتيب ياخذ المبلغ الجملي اللي هو 600 دينار في الحالة هذي. فكرة الجمعية موجودة في المجتمع التونسي منذ زمن طويل و العديد من العائلات و الاصدقاء و زملاء العمل يستعملو فيها

شنوة لي يميزنا على الجمعيات التقليدية؟

اسرع، اسهل، اضمن و مفصلة على قياسك منغير ماتضيع ايام تنسق و تلوج على شكون يدخل معاك في جمعية أدخل للتطبيق اختار الجمعية لي تناسبك من حيث المبلغ و عدد الافراد و فلوسك تتصب مباشرة في حسابك البنكي او تتبعثلك على البريد و نضمنولك زادة حصولك على اموالك حتى في حالة تخلف واحد من الاعضاء على سداد القسط متاعو

استنفع بفلوسك من اول شهر

في جمعية عندنا شراكة مع العديد من المحلات التجارية باش تستنفع بفلوسك وقت لي تحب من غير ماتستنى دورك يوصل. اشري قضيتك , حط الثمن وخلي البائع يمسح الرمز لي يظهرلك في التطبيق احنا نخلصوه و نقصوهم عليك بعد

كيفاش نستعمل جمعية؟

• اول خطوة التسجيل : دخل بياناتك الشخصية اسم، لقب و رقم الهاتف
• يتصل بيك فريقنا لاتمام عملية التسجيل
• بعد التسجيل يتم فتح حساب للمستخدم و من خلاله يبدأ يستعمل الخدمة

شنية الضمانات

شركة جمعية تخدم بتصريح و اشراف من البنك المركزي التونسي و كل مستخدم يصحح عقد بينه و بين شركة جمعية باش الزوز أطراف يضمنو حقهم

قداش التكلفة؟

معلوم الخدمة هو 9,99 دت على كل جمعية تشارك فيها

التسجيل في الخدمة

تواصل معنا